الثلاثاء، 12 أكتوبر، 2010

فتاه الالوان

لا اعرف ماالذى استوقفنى عندما مررت بها......لست معتاده على ذلك وقفت انظر اليها طويلا دون ملل او تعب
عادت ملامحها الخارجيه تشبهنى مره اخرى...زال الشحوب من وجهها والظلال السوداء من تحت اعينها..اصبحت اخيرا تحظى بعدد ساعات اكبر للنوم.....اتوقف لأتذكر لم تكن تعانى من قله الوقت المتاح...اذن فما كان السبب؟؟
ابحث وسط متاهات العقل عن اجابه مناسبه ...فلا اجد ولا احاول ان ارهق نفسى بحثا عنها
اعود لتاملها....ماذا ايضا يافتاه؟؟
خصلات شعرك واخيرا استعادت بعض رونقها وعددها وربما.....نعم قليل من طولها الطبيعى
عادت اليك بعض العادات التى  كنت توقفتى عنها يافتاه والتى كانت حقا تسعدك
كنت على وشك ان احييها واهنئها عندما..........اخترق شعاع من عينى داخلها....رأيت على اثره خليط من الالوان
لم استطع ان افسره ...
عينى لم تتحمله رمشت رفضا لاطاله النظر....تركتها وعدت من حيث كنت وتسألت كيف اختلطت تلك الالوان سويا؟؟
كنت دوما اعتقد ان الشخص لا يستطيع ان يحمل سوى لون واحد
وماتأثير تلك الالوان عليها؟؟؟ هل تجعلها تقاوم افضل؟؟؟ام تجعلها غير مستقره ولا محدده كما هيا الالوان داخلها
واى الالوان تفرض تأثيرها؟؟اهى الالوان النقيه الشفافه؟
ام الالوان الداكنه
مئات الاسئله طارت من عقلى وجلست حولى كل  منها تجذبنى مره ..وقعت فى حيره وفقدت فصاحه لسانى ولم افكر حتى فى العوده لسؤال فتاه الالوان

الجمعة، 8 أكتوبر، 2010

عن حب جديد

لم اعد استطع ان اقول انى فتاه بلا ذكريات ....لا اتذكر حتى من اين اتتنى الفكره فلكل مرحله من حياتنا مايحاول ان ينغصها ولكنه لايمحو ابدا منها الجمال ....والمثال المشهور الذى احب دوما ان اذكره ان الطفل الصغير الذى يذهب الى حضانته يكون اكبر همه هو زميله الذى يقتسم معه كيس الشيبسى او ربما يضربه ويأخذه منه عنوه
ليظل المسكين طول الليل يفكر كيف يمكنه الدفاع عن اهم ممتلكاته ضد صديقه الشرير وتكون بذلك اهم قضيه فى حياته ولكنها ومع ذلك لا تستطيع ان تمحى ذكريات جميله من حياته ...بل وربما تتحول هى بعد فتره الى ذكرى ضاحكه له
اخيرا وبعد فتره طويله اكتشفت ذكرياتى الجميله واكتشفت ايضا انى نسيت بعض الاشياء واحسست انى حقا اود ان اكافئ نفسى على ماوصلنا اليه
امسك بقلمى وكشكولى ..لم تستطع التكنولوجيا ان تزيح من داخلى الشعور الرائع بالجاذبيه بينى وبين الكشكول والقلم
اعترف ان طرقعه الكيبورد اسهل ولكنها لا تستطع ان تفرغ الشحنه التى بداخلى
على النقيض...وحين امسك بالقلم والورقه اشعر بذلك الجزء من روحى ينساب عبر القلم ويخترق بقوه سن القلم الرفيع ليهبط على الصفحات البيضاء
لا بد ان اعترف انى الان احظى بحب جديد فى حياتى ....ظبطت نفسى وانا ادخل الى مكتبه من فتره استمتع برائحه الورق الابيض الجديد كما وصفها اصدقائى من قبل ولم اشعر وقتها انى افهم مايقولون
وضبطت ايضا تلك الابتسامه والفرحه بداخلى وانا مقبله على مكان كشكولى واثناء بحثى عن قلم وجلستى على سريرى فى وضع معين استعدادا لان اكتب
تستحق الكتاب ان اذكر تطور علاقتى بها....ادين لها بالفضل فى الكشف عن جزء خاص بداخلى وادين لها ايضا هذا النوع من الصداقه الذى اعطتنى اياه لتصبح كأفضل صديقاتى وانصتهم لى
ولتحتل مكانا بارزا فى اول دائره حولى.....هكذا اضع اشيائى المحببه فى دوائر تزداد قربا او بعدا عنى
اعانى من ضعف فى قدرتى على الكتابه هذه الايام ولا اعرف لماذا؟؟؟
اجد وعلى غير العاده عناوين الاشياء وافتقد المضمون
اعرف من داخلى انى اود التحدث عن هذا وذاك وتلك .....ولا اجد عبارات تساعدنى...واقف عاجزه بدون سبب واضح
وبرغم ازدياد شعاع الشمس بداخلى هذه الفتره وبرغم قرب فصلى المفضل....تزداد نيتى وافكارى للكتابه
ولا اعرف متى سيتم التنفيذ...لا استطيع ان اضغط على نفسى فكالعاده ستاتى وحدها.......... وقت ان تحب

الأحد، 3 أكتوبر، 2010

ازاى تعرفى ان صاحبتك اتخطبت؟؟

النهارده بقا انا نويت والنيه لله اتربع كده على الدكه واقعد احكى معاكم فى الموضوع ده..مكدبش عليكم انا هريته بحث وتدقيق اى والله.
المشكله بقا تتقال فى كلمتين  انا مش شايفه ان الارتباط ده نهايه العالم
الواحده من دول يختشى  تتخطب من هنا والمفروض عليكى تنسيها من هنا...اما بقا بعد الجواز فقول عليها يارحمن يارحيم
وتلاقى الواحده منهم كده باين عليها زى اللى واكلين فول بالزبط
عندك بقا  الحب والتسبيل والشهيق والزفير اللى بيحصل بقا كل ماتجيبى سيره فيلم رومانسى او اغنيه عاطشفيه ومن اول يوم يختى معرفش ازاى؟؟ والكلام فى التليفونات والاهتمام بالفسفوسه اللى هنا والطرحه نعدلها من هنا والهدوم اللى من على الحبل كل يوم وده طبعا عند بعض الناس بيبقى فوق فوق العاده ....ده بقا قبل الرسمى
انما لو دخلنا فى بعد الرسمى
حنلاقى الموضوع اوسع...اول حاجه مطلوب منك تنسى انها صاحبتك
بمعنى 1) مش حتشوفيها غير فى المناسبات لاء وبردو عشان كل واحد ياخد حقه ممكن تشوفيها ...لو عاوزاكى معاها فى كام مشوار من المرمطه اياهم بتوع الجهاز
2) انسى بقا التليفونات والرغى بتاع كل يوم..ربنا يعوض عليكى يامسكينه
3)تبقى بتحكى فى نص موضوع وتفاجئك بعباره "بصى سلام دلوقتى اصل "...." على الويتنج او بيتصل على البيت
او جاى..
4)طبعا تكسرى عليها التليفون متردش عليكى لانها اكيد مش فاضيه
بمعنى يعنى تنفييييييييييض وطنااااااااااااااش ومنين ماتسأليها تقولك"مشغوله والله" ...اموت واعرف بيتنيلوا ينشغلوا فى ايه والمصيبه السوده انه من اول يوم
 بعد الجواز بقا
الموضوع اختلف ماهو بسلامته حشر روحه فى كل حاجه وفى كل خروجه ودخوله
دى صوره بسلامته طبعا عشان محدش يتخض بس

ده غير انه النهارده قاعد "بالعند طبعا مش عشان اخلاقه يعنى" فمش حينفع نروح ولا نتكلم حتى
والنهارده رايحين وبكره جايين وبعده مش فاضيين ...وقالوا الناااااااااااس مجانين وبقينا خمستاشر مليون فى تلات سنييييييييييييييييييييين
قطشيعه التليفزيون بوظ عقول المشاهدين فعلا
هههههه بصوا بقا عشان محدش يزعل....ايوه ايوه شايفاكى انا انتى ....اه انتى باين على وشك الزعل اهو...ايوه وانتى كمان قالبه وشك ليه اضحكى كده وخليكى فريش
انا زى مانصكم اللى يعرفنى بيقول معنديش سابق تجربه فى الحب والتسبيل واللذى منه
ثانيا مدركه تماما ان دخوله الناس فى عيله وجو جديد يفرض مسئوليات ومهام جديده
ثالثا وده اهم واحد دايما بعتقد ان الواحد مينفعش يتكلم اوى وبقلب جامد عن حاله معشهاش حتى لو كان ارتبط قبل كده
ولكن انا بردو ضد المعامله دى وكنت بشوف ان اصحابك واخواتك وكل الناس اللى عرفتيهم قبله ليهم عليكى حق
وان مفيش مانع زى مابنكلم اسم الله عليه نسأل على غيره...والله يرحم ومن فات قديمه مجرالوش حاجه
الموضوع كبر وبقا حاجه طبيبعيه لدرجه انى لما بيقولوا فلانه حتتجوز بيقول ربنا يسعدها ويعوض علينا
طبعا فى ناس ممكن تعتبر كلامى ده نوع من النفسنه  والبعض قد يعتبره قله معرفه لانى معنديش خبره فى المسائل دى
وقد يتطور الامر ليعتقد البعض انها غيره
مااانى مش حستفيد حاجه ماهى اللى حتقعد حتلبس فى قرابيزى وانا مبحبش حد يقعد فى قرابيزى
وان شاء الله كلكم تتكلوا على الله ونفرح فيكم يووووه الكى بورد ياجماعه مش انا ..قصدى بيكم طبعا
 هع هع هع هع هع هع
وتقعدوا بالعافيه